Oleh
Risal sadoki
Kebudayaan itu harga diri
Makanya harus ta tanam dalam diri
Supaya tara lupa diri
Bahkan tau diri
Sakarang budaya dalam bahaya
Maraya tara tau arah
Seraya macam payah
Laksana samua su tara berdaya
Adat,budaya deng istiadat
Keparat di telan barat
Samua su bacarita kepentingan
Model kaya binatang
Budaya yang dulunya leluhur dorang jaga
Bahkan amper hilang nyawa
Itu semua karna torang
Sakarang su hilang su tara tau kamana
Orang tua su sibuk deng politik
Yang muda sibuk deng tik tok
Macam sampah saja
Tarus torang mo kase salah pa sapa.?
Nanti samua so salah
Baru buka mata kong manyasal
Ta usa lagi ba dusta
Tentang samua yang su jadi duka
Dulu su pigi mana
Nanti sakarang baru pasang muka
Bikin muntah saja
Mari torang jaga budaya
Biar bisa ta tuang dalam darah
Stop lagi badusta
Deng jangan lagi bikin murka.